Plantun de Prouvènço

Pèr coumpara dos planto d'encò nostre

Erophila verna & Cyanus semidecurrens

Erophila verna

Brassicaceae Cruciferae

Noms en français : Drave printanière, Drave du printemps.

Descripcioun :
Pichoto planto menudo que fai pèr lou mai 10 cm d'auturo. Sèmblo un Cerastium emé si petalo escavado sus la mita. Pamens a bèn 4 petalo e 2 + 4 estamino. Li flour fan quàuqui mm, pas toujour bèn duberto. La cambo de flour sort d'uno pichoto rouseto basalo. Flouris d'ouro au mitan de l'ivèr, d'aqui que vèn soun noum.

Usanço :
Servié à passa tèms pèr sougna li panàri. Li fueio podon èstre mesclado is ensalado, mai faudra vous leva d'ouro.

Port : Erbo
Taio : 3 à 15 (20) cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Erophila
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ - Paret - Roucas
Estànci : Termoumediterran à Mountagnard
Couroulougi : Pancaro entresigna
Ref. sc. : Erophila verna (L.) Chevall., 1827

Centaurèio(-à-mita-decurrènto)

Cyanus semidecurrens

Asteraceae Compositae

Nom en français : Centaurée semidécurente.

Descripcioun :
Aquesto centaurèio trachis dins li colo de Prouvènço. Fuguè de tèms counfoundudo emé la centaurèio de Trionfetti, Cyanus triumfettii, que resto en mountagno, pamens se regardas de bèn proche, li ciho di bratèio soun mai courto eici (pas mai longo que la larjour de la bourduro de la bratèio).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Cyanus
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Vióuleto
Petalo : >6
Ø (o loungour) enflourejado : 35 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à Juliet

Liò : Blachiero - Lavandiero - Tepiero umido
Estànci : Subremediterran à Mountagnard
Couroulougi : Ouroufito-Sud-Ouèst-Éuropenco
Ref. sc. : Cyanus semidecurrens (Jord.) Holub, 1973 (= Centaurea triumfetti subsp. semidecurrens (Jord.) Dostál, 1976 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Erophila verna & Cyanus semidecurrens

CCC

Coumpara Erbo-primo emé uno autro planto

Coumpara Centaurèio(-à-mita-decurrènto) emé uno autro planto